დილიდან აფეთქების ხმა ისმის ლვოვში. გავრცელებული ინფორმაცია ლვოვის აეროპორტზე დარტყმის შესახებ ადმინისტრაციამ არ დაადასტურა.
ქალაქის მერის სერგეი სოდოვოის თქმით, აფეთქება მოხდა აეროპორტის რაიონში, მაგრამ არა თავად აეროპორტში. რამდენიმე შენობა დაზიანდა.
აფეთქების ხმების შესახებ იუწყებიან ოდესიდანაც. ამ დროისთვის ზუსტდება ეს აფეთქება სანაპიროდან მოდის და წინასწარ დანაღმულ ადგილებზე ხდება თუ საქმე საჰაერო თავდასხმასთან გვაქვს.
შეგახსენებთ, რომ რამდენიმე დღეა, ოდესელები ქალაქში დესანტის გადმოსხმას ელოდებიან, თუმცა რუსულ მხარეს ჩანაფიქრის განხორცილებაში უამინდობა უშლის ხელს.
სუმთან ახლოს უკრაინის შეიარაღებულმა ძალებმა წარმატებულად მოაქციეს ალყაში რუსეთის 35-ე არმიის ერთერთი დანაყოფი – გენშტაბმა ვიდეოც გაავრცელა, სადაც ბრძოლის ეპიზოდია ასახული და აღნიშნულია, რომ ტანკსაწინააღმდეგო NLAW ყმბარით განადგურდა მოწინააღმდეგის “ტიგრი”, სადაც მაღალი სამხედრო რანგის მქონე პირი იჯდა.