თურქეთში კონკრეტული შედეგის გარეშე დასრულდა შეხვედრა უკრაინისა და რუსეთის საგარეო საქმეთა მინისტრებს შორის. კულება-ლავროვის შეხვედრაზე ცეცხლის შეწყვეტის პირობებზე ვერ შეთანხმდნენ.
როგორც დიმიტრი კულებამ განაცხადა, მოსკოვი ცეცხლის შეწყვეტას განიხილავს მხოლოდ საკუთარი პირობებით, რასაც უკრაინული მხარე ეწინააღმდეგება, აქედან გამომდინარე, შეთანხმება ვერ შედგა.
სერგეი ლავროვის თქმით, შეხვედრაზე ისაუბრეს ზელენსკისა და პუტინს შორის პირისპირ შეხვედრის შესაძლებლობაზე და პერსპექტივებზე.
“ჩვენ არ გვინდა უკრაინის მილიტარიზაცია, არ გვინდა შევინარჩუნოთ ტენდენცია უკრაინაში ნეონაცისტური სახელმწიფოს მშენებლობისკენ” “გვინდა, რომ უკრაინა იყოს ნეიტრალური, ჩვენ მზად ვართ ვისაუბროთ უკრაინის უსაფრთხოების გარანტიებთან ერთად ევროპის ქვეყნებისა და რუსეთის უსაფრთხოების გარანტიებზე”, – განაცხადა ლავროვმა.
ორივე მხარე, ფორმალურად, იმედს გამოთქვამს, რომ მოლაპარაკებები გაგრძელდება.