მზარდი ინტერესის გათვალისწინებით, პოლონეთის სახელმწიფო სასაზღვრო სამსახური აქვეყნებს ინფორმაციას უკრაინელი 4 წლის ბიჭის შესახებ, რომელმაც, მედიის დიდი ნაწილის ცნობით, უკრაინა-პოლონეთის საზღვარი მარტომ გადაკვეთა.
“გავრცელებული ინფორმაციის საპირისპიროდ, ბიჭს საზღვარი მარტოს არ გადაუკვეთავს, ის ოჯახის წევრებთან ერთად იყო, საზღვარზე მიიღო ტკბილეული ოფიცრებისგან და ოჯახთან ერთად ამჟამად უსაფრთხოდ იმყოფება პოლონეთში” – წერს “ტვიტერზე” პოლონეთის სასაზღვრო სამსახური.
შეგახსენებთ, გავრცელებული ინფორმაციით, 4 წლის ბიჭმა, რომელიც ატირებული გადაიღეს, უკრაინა-პოლონეთის საზღვარი მარტომ გადაკვეთა და მისი მშობლები დაიხოცნენ, რაც სინამდვილეს არ შეესაბამება. ე.წ. “ზოლიანქურთუკიანი ბიჭუნას” შესახებ ქართულ მედიაშიც არასწორი ინფორმაცია გავრცელდა.
ამის გარდა, კიდევ ერთი, 11 წლის უკრაინელი ბიჭის ისტორიაში, რომელსაც ხელზე ეწერა ტელეფონის ნომერი და საზღვარი გადაკვეთა, არასწორი აღმოჩნდა დეტალი, რომ მისი მშობლები დახოცეს. მოგვიანებით დედამ განაცხადა, რომ ზაპოროჟიედან მაღთლაც მაატრებლით, მარტო გაამგზავრა ბავშვი, რადგან სხვაგვარად არ შეეძლო, სახლში მყოფი მოხუცი დედის მდგომარეობის გამო.
