ხარკოვზე მიტანილ იერიშებს შორის პაუზის დროს რუსმა ოკუპანტებმა დანებება შესთავაზეს ქალაქის მერიის თანამშრომლებს, კერძოდ, კავშირზე გამოვიდნენ მერის მოადგილე რომან სემენუხასთან. როგორც უკრაინული “ობოზრევატელი” წერს, სემენუხამ ისინი რუსული ხომალდის მიმართულებით (ცნობილი ფრთიანი ფრაზიდან “რუსსკი ვოენნი კორაბლ, იდი ნა *უი!”) გაგზავნა.
ამის თაობაზე სემენუხამ “ფეისბუქზეც” დაწერა. აღმოჩნდა, რომ ოკუპანტებმა მას “ფეისბუქზე” მისწერეს და ურჩიეს, საქმე “ჰუმანიტარულ კატასტროფამდე” არ მიეყვანა და ეფიქრა “თავისი ოჯახის წევრებსა და ახლობლებზე”.
შეგახსენებთ, ომის დაწყების პირველივე დღეებიდან ხარკოვი რუსი ოკუპანტების სამიზნეა და შეტევებს მედგრად იგერიებს.