რუსეთის სხვადასხვა ქალაქში თითქმის ყოველდღე ტარდება ომის საწინააღმდეგო აქციები, რომლებშიც მოქალაქეთა მცირე რაოდენობა იღებს მონაწილეობას, თუმცა, დიდ ქალაქებში არის ხალხმრავალი აქციებიც.
ასე მაგალითად, დღეს მოსკოვსა და სანკტ-პეტერბურგში მშვიდობის მომხრეთა კოლონა მეტროს სადგურებიდან მსვლელობით მიემართებოდა ქალაქების ქუჩებზე, თუმა, თითქმის მათ პარალელურად, მანქანების კოლონებით მოძრაოდნენ პირები, “ნოვოროსიის” დროშებით.
უშუალოდ მოსახლეობის ორ ნაწილს შორის შეტაკება არ მომხდარა, მაგრამ პოლიცია მშვიდობის მომხრეებს დაუპირისპირდა. მათი ნაწილი ადმინისტრაციული წესით დააკავეს. იმის გამო, რომ პოლიცია დემონსტრანტებს ართმევს პლაკატებს და სიმბოლოებს, მათ ისეთი აქტივობა მოიფიქრეს, რომლისთვისაც პოლიციას თითქოს ვერაფერი უნდა დაეპირისპირებინა:
მათ წარწერა გაყინულ მდინარეზე, დიდი ასოებით ამოკაწრეს, თუმცა, აქციის დასრულების შემდეგ ქალაქის ხელმძღვანელობამ ამ საკითხის “მიხედვა” კეთილმოწყობის სამსახურის თანამშრომლებს დაავალა, რომლებმაც ყინული გადაღებეს, რათა ეს წარწერა არ გამოჩენილიყო.
