უკრაინის შეიარაღებული ძალების გენერალური შტაბი ავრცელებს ცნობას ქვეყნის სხვადასხვა წერტილებში არსებული მდგომარეობის შესახებ:
მარიუპოლის მიმართულებით, უკრაინელი მებრძოლები კონტრშეტევაზე გადავიდნენ და გაანადგურეს მტრის სამი ტანკი, 4 ჯავშანტრანსპორტიორი, 2 “ტიგრი”, ლიკვიდირებულია 30 რუსი ოკუპანტი, ორი ტყვედ აიყვანეს.
კრამატორსკში, მრავალსართულიანი საცხოვრებელი კორპუსის დაბომბვის შედეგად ორი ადამიანი დაიღუპა, რამდენიმე დაიჭრა.
დონეცკის ოლქის ქალაქი პოკროვსკი ისევ ოკუპანტთა სამიზნე გახდა. აქ რუსმა სამხედროებმა ორი კასეტური რაკეტა “ტორნადო” ჩამოაგდეს. სამი ადამიანი დაიჭრა.
ვინიცის აეროდრომის დაბომბვის შედეგად ერთი ადამიანი დაიღუპა.
ჩერნიგოვის განუწყვეტელი დაბომბვის გამო ელექტროენერგიის გარეშეა დარჩენილი 141 დასახლებული პუნქტი.
განუწყვეტელი ცეცხლის ქვეშაა ხარკოვი. მოლაპარაკებებში უკრაინის მხარის წარმომადგენელი დავით არახამია მუშაობს, რათა ხარკოვისთვის უზრუნველყოფილი იყოს ე.წ. მწვანე დერეფანი.