უკრაინის რადას დეპუტატი ოლექსეი გონჩარენკო აქვეყნებს ინფორმაციას, რომლის თანახმადაც ირკვევა, რომ უკრაინის დედაქალაქი კიევი განსაკუთრებული საფრთხის ქვეშაა: ოკუპანტებმა კიევისკენ საზენიტო-სარაკეტო კომპლექს “ტორთან” ერთად, ტაქტიკურ-სარაკეტო კომპლექსი “ტოჩკა უ”-ც წასწიეს.
გონჩარენკო წერს, რომ ამის შესახებ მთელ მსოფლიოს უნდა გააგებინონ და სთხოვს მოქალაქეებს, ვინც შენიშნავს კიევისკენ მიმავალ კოლონას, ინფორმაცია ფოტო და ვიდეომტკიცებულების სახით უკრაინის ოფიციალურ სტრუქტურებს მიაწოდონ.
გონჩარენკოს თქმით, ის, რასაც რუსეთი ახლა კიევს უმიზნებს, განსაკუთრებით საშიში ტერორისტული იარაღია. აქვე მოყვანილია მახასიათებლებიც და ნათქვამია, რომ ტაქტიკურ-სარაკეტო კომპლექს “ტოჩკის” რაკეტის ფრენის სიშორე 120 კმ-ია, მისი საბრძოლო ქობინის მასა 483 კგ-ს სეადგენს, ხოლო წრიული გადახრა – 95 მეტრს.
რაც შეეხება “ტორს” ეს საზენიტო-სარაკეტო კომპლექსი განკუთვნილია ქვეითთა ჯარების პირველი ეშელონების დასაცავად ფრთოსანი რაკეტებისა და დისტანციურად მართვადი საფრენი აპარატებისგან. კომპლექსი მუშაობს როგორც ხელით მართვის რეჟიმში, ასევე მთლიანად ავტომატურ რეჟიმში.
ფოტოზე: “ტოჩკა უ” კომპლექსი აღლუმზე ეკატერინბურგში.