სარფის საბაჟოზე ინციდენტი მოხდა: აჭარის ტელევიზიის ჟურნალისტის განცხადებით, მას საკონტროლო-გამშვებ პუნქტზე თურქმა მებაჟეებმა გადასვლის საშუალება არ მისცეს, წაართვეს პასპორტი და ტელეფონი, ასევე, ჟურნალისტზე და ოპერატორზე ფიზიკურად იძალადეს.
გადამღები ჯგუფი, კერძო, ჟურნალისტი ჯენი კვანტალიანი და ოპერატორი ანდრო ქაჩიბაია სარფის საბაჟოზე არსებული რიგისა და უკმაყოფილო მგზავრების შესახებ მასალის მომზადებას ცდილობდნენ, მაგრამ მათ თურქმა მესაზღვრეებმა ამის საშუალება არ მისცეს და უხეში ფორმით აღუდგნენ წინ მათ მიერ პროფესიული მოვალეობის შესრულებას.
მომხდართან დაკავშირებით გამოძიება დაიწყო, – ამის შესახებ საქართვეელოს შინაგან საქმეთა სამინისტროში აცხადებენ. საქმე სისხლის სამართლის კოდექსის 126-ე მუხლით აღიძრა, რაც ძალადობას გულისხმობს. ჟურნალისტები პოლიციის გონიოს განყოფილებაში იმყოფებიან . საქმესთან დაკავშირებით სამართალდამცველები მათ დაკითხავენ. დაგეგმილია ასევე ექსპერტიზაც., რადფგან საუბარია აჭარის ტელევიზიის გადამღები ჯგუფის მიმართ თურქი მებაჟეების მხრიდან შესაძლო ფიზიკურ ძალადობაზე.
აჭარის ტელევიზიის გადამღებ ჯგუფს სარფში თურქეთის გენერალური კონსული იასინ თემისქანიც შეხვდა, რომელმაც განაცხადა, რომ ფაქტის შესწავლა თურქმა სამართალდამცველებმაც დაიწყეს.