უკრაინული დაზვერვის საკუთარ წყაროზე დაყრდნობით, “უკრაინსკაია პრავდა” ავრცელებსდ ინფორმაციას, რომ უკრაინის ყოფილი პრეზიდენტი, ქვეყნიდან 2014 წელს გაქცეული ვიქტორ იანუკოვიჩი ამ დროისთვის ბელორუსის დედაქალაქ მინსკში იმყოფება და უკრაინაში მიმდინარე ომის დასრულებას ელოდება, რათა კიევის აღების შემდეგ კრემლმა ისევ უკრაინის პრეზიდენტად გამოაცხადოს.
გავრცელებული ინფორმაციის კომენტირებისას, უკრაინის პრეზიდენტის ოფისის წარმომადგენელი მიხეილ პოდოლიაკი ამბობს, რომ ეს უგუნური გადაწყვეტილებაა.
“ეს რა ქვეყანაა, არანაირი ობიექტური ანალიზის უნარი არა აქვს და ამიტომაც იღებენ ასეთ უაზრო გადაწყვეტილებებს. როგორ არ უნდა ესმოდეთ, რომ ვიქტორ იანუკოვიჩი პოლიტიკური გვამია, იმდენად ტოქსიკური, რომ უფრო მეტ წინააღმდეგობას გამოიწვევს”, – ამბობს მიხეილ პოდოლიაკი.