უცხოური მედიასაშუალებების მიერ 28 თებერვალს გავრცელებული ინფორმაცია იმის შესახებ, თითქოსდა კიევს 60 კმ-ზე გაჭიმული რუსული სამხედრო კოლონა უახლოვდება, კორექტირებულია და მონაცემები განახლებულია. ინფორმაციაში ნათქვამი იყო რომ კოლონა უკრაინისკენ ბელორუსიდან მიემართებოდა. 

სი ენ ენმა დააზუსტა ინფორმაცია McKenzie Intelligence Services თანამგზავრულ მონაცემებზე დაყრდნობით. ამ დროისთვის გარკვეულია რომ კოლონა 60 კმ სიგრძის არაა და ეს არის ლოჯისტიკური პაკეტების სერია, რომლებიც გადასროლილია ბელორუსის საზღვრის უდიდესი ავტომაგისტრალისკენ, რათა ის შეუერთდეს კიევის დაჯგუფების ჩრდილოეთ ნაწილში მყოფ რუსულ შენაერთებს. 

კოლონა ჯავშანტექნიკისგან შედგება, არის ტანკები და ქვეითთა საბრძოლო მანქანები (ბმპ), მაგრამ ძირითადად, ეს არის ზურგის უზრუნველყოფის სატრანსპორტო საშუალებები, რომლის რესურსი, საჭიროების შემთხვევაში, მხოლოდ ხანმოკლე ბრძოლებზეა გათვლილი.  

“ყველაფერი ისე გამოიყურება, რომ ბლიცკრიგის ჩავარდნის შემდეგ ოკუპანტები მხოლოდ ზურგის გამაგრებაზე ფიქრობენ”, – ამბობენ სამხედრო ექსპერტები.