რუსეთსა და უკრაინას შორის მოლაპარაკებები დაიწყო – მოლაპარაკების მთავარი საკითხია ცეცხლის დაუყოვნებელი შეწყვეტა და უკრაინის ტერიტორიიდან ჯარების გაყვანა. ჯერჯერობით უცნობია რამდენ ხანს გაგრძელდება შეხვედრა მდინარე პრიპიატის მიმდებარე ტერიტორიაზე.
პარალელურად კი, ოკუპანტები არ წყვეტენ მოქმედებას და უკრაინული მედიის ინფორმაციით, ცოტა ხნის წინ დაიბომბა ჩერნიგოვი, ხანძარია საცხოვრებელ კორპუსში.
უკრაინის მხრიდან, დელეგაციაში შედიან ფრაქცია„ხალხის მსახურის“ თავმჯდომარე დავიდ არახამია, უკრაინის თავდაცვის მინისტრი ალექსეი რეზნიკოვი, უკრაინის პრეზიდენტის აპარატის უფროსის მრჩეველი მიხაილო პოდოლიაკი, უკრაინის დელეგაცია TCG-ში ანდრეი კოსტინი, დეპუტატი რუსტემ უმეროვი და უკრაინის საგარეო საქმეთა მინისტრის მოადგილე მიკოლა ტოჩიცკი.
შეხვედრა დახურულია.