ვრცელდება კადრები, სადაც ასახულია, როგორ ხვდება ჭურვი კიევში, ლობანოვსკაიას 6-ში მდებარე მრავალსართულიან საცხოვრებელ კორპუსს. ბინაში, რომელსაც ჭურვი მოხვდა, იმ დროისთვის მეპატრონეები არ იმყოფებოდნენ – ისინი თავს სარდაფს აფარებდნენ.
“ბედმა გაგვიღიმა, რომ იმ დროს ბინაში ა ვიმყოფებოდით – თავშესაფარში ვიყავით ჩასული”, – ამბობს ქალი, რომელიც ამ მისამართზე, მცირეწლოვან შვილთან ერთად ცხოვრობდა.
შეგახსენებთ, რუსული მხარე ამ დრომდე უარყოფს, რომ მათ მიერ კიევსა და სხვა ქალაქებში ჩამოგდებული რეაქტიული ჭურვები და რაკეტები საცხოვრებელ სახლებს ხვდება.