რუსეთის პროპაგანდისტული მანქანა აქტიურად ამუშავდა მას შემდეგ, რაც რუსეთის შეიარაღებულ ძალებსა და დივერსანტებს 26 თებერვლის ღამეს უკრაინის დედაქალაქის მასირებული შეტევით აღება ვერ გამოუვიდათ.
ამ დროისთვის სიტუაცია კიევში კონტროლს ექვემდებარება, ქალაქს დივერსიული ჯგუფების ნარჩენებისგან წმენდენ.
პარალელურად, “ტელეგრამზე” აქტიურად ვრცელდება უკრაინის პრეზიდენტის თითქოსდა მოწოდება წინააღმდეგობის შეწყვეტისა და იარაღის დაყრის შესახებ. გარკვეულია, რომ რუსმა პროპაგანდისტებმა სახელდახელოდ შექმნეს ვოლოდიმირ ზელენსკის ანალოგიური ტელეგრამ-არხი, სადაც სწორედ ამ შინაარსის მოწოდებებია გამოქვეყნებული.
უკრაინული მედიასაშუალებები და პოლიტიკოსები მოუწოდებენ “ტელეგრამზე” რეგისტრირებულ მოქალაქეებს, არ გახდნენ ცრუ ინფორმაციის მსვერპლი.
