პირი, რომელიც ქალაქ გოსტომელში გუშინ, რუსული ვერტმფრენის ჩამოგდების შემდეგ დააკავეს, უკრაინელი მღვდელი აღმოჩნდა.
დაკავებულს რუსი დივერსანტების სასარგებლოდ ჯაშუშობის ბრალდება წაუყენეს. გარკვეულია, რომ ის კორექტორი იყო და რუს ოკუპანტებს მათთვის საჭირო ლოკაციის წერტილებსა და კოორდინატებს აწვდიდა, ასევე, სპეცსანიშნეებით ნიშნავდა სხვადასხვა, ოკუპანტთათვის საინტერესო ქუჩებს, შენობებსა და დაწესებულებებს.
თავდაპირველად გავრცელდა ინფორმაცია, რომ ოკუპანტთა მხარდაჭერისთვის გოსტომელში მცხოვრები რუსეთის მოქალაქე იყო დაკავებული, მაგრამ დივერსანტი უკრაინის მოქალაქე, მეტიც – სასულიერო პირი აღმოჩნდა.
დაკავებულის სახელი და გვარია მიხეილ პავლუშენკო. სოციალურ ქსელებში, მის სივრცეში ძალიან ბევრი პრორუსული ინფორმაციაა გამოქვეყნებული. ასევე გაირკვა, რომ ის ხშირად წერდა პროპაგანდისტულ სტატუსებსა და კომენტარებს.
უკრაინულ ფორმებში გადაცმული რუს დივერსანტთა ჯგუფი ლიკვიდირებულია (ვიდეო)