24 თებერვლის დილიდან, მას შემდეგ, რაც რუსეთის შეიარაღებული ძალების ჯავშანტექნიკა და ცოცხალი ძალა უკრაინის ტერიტორიაზე სამი მიმართულებიდან შეიჭრა, რუსულმა სამხედრო მანქანამ სერიოზული დანაკლისი განიცადა. 

იმის მიუხედავად, რომ ასევე დილიდან მოსკოვის მიერ კონტროლირებადი მედიასაშუალებები ერთმანეთს ასწრებდნენ არასწორი ინფორმაციის გამოქვეყნებას იმის თაობაზე, რომ უკრაინის სასაზღვრო ჯარები, ასევე ეროვნული გვარდია, პოლიცია და სამხედრო ნაწილები დემორალიზებულია და რუს ოკუპანტებს წინააღმდეგობას არ უწევენ, ფაქტები სხვა რამეზე მეტყველებენ. 

ევროპის ქვეყნებისა და აშშ-ის წამყვანი დამოუკიდებელი მედიასაშუალებები მიუთითებენ, რომ რუსეთს ბლიცკრიგი არ გამოუვიდა: ომის დაწყების პირველ საათებში უკრაინის შეიარაღებულ ძალებს, მართალია, კოორდინაცია აკლდა, მაგრამ სულ მალე გადალახეს კრიტიკული ზღვარი და ურთიერთშეთანხმებული კონტრშეტევები მოახერხეს, რაზეც თუნდაც, კიევიდან 25 კმ-ით დაშორებული ანტონოვის აეროდრომის (გოსტომელი) ჯერ დაკარგვა, შემდეგ კი დაბრუნება მეტყველებს. 

უკრაინის შეიარაღებული ძალების მთავარსარდალი ვალერი ზალუჟნი ავრცელებს ოფიციალურ ინფორმაციას იმის შესახებ, თუ რა დანაკარგი განიცადა რუსულმა მხარემ ომის პირველ დღეს. მონაცემებში არ არის შესული ცნობები ცოცხალი ძალის დანაკარგის შესახებ. 

ზალუჟნის ინფორმაციით, 24 თებერვალს, სხვადასხვა ლოკაციაზე რუსებმა დაკარგეს 30-ზე მეტი ტანკი, 130-დე ჯავშანტრანსპორტიორი, 5 სამხედრო თვითმფრინავი და 6 სამხედრო შვეულმფრენი. 

“რუსულ ხომალდს: “Иди на х*й!” როგორ გაიგე?” – კუნძულის გარნიზონი ოკუპანტებს არ დანებდა (ვიდეო)