აშშ-ის დაზვერვამ ვაშინგტონში უკრაინის საელჩო გააფრთხილა, რომ რუსეთის ენერგეტიკულ ობიექტებზე დარტყმების შემთხვევაში, შტატები სადაზვერვო მონაცემების გაზიარებას შეწყვეტს – ამის შესახებ ინფორმაციას Washington Post წყაროს განცხადებაზე დაყრდნობით ავრცელებს. გამოცემის ცნობით, აშშ-ის დაზვერვის წარმომადგენლებმა ვაშინგტონში უკრაინის საელჩო გააფრთხილეს, რომ რუსეთის ენერგეტიკულ ობიექტებზე შემდგომი დარტყმების შემთხვევაში, შეერთებული შტატები დაუყოვნებლივ შეწყვეტდა სადაზვერვო მონაცემების ყოველგვარ გაზიარებას. წყაროს ინფორმაციით, აშშ-ის მხრიდან დაზვერვის მონაცემების გაზიარება არ შეწყვეტილა – ყოველ შემთხვევაში, სრულად არა, თუმცა ეს მუქარა კვლავ ძალაში რჩება.”გაფრთხილებები იმდენად მასშტაბური იყო, რომ ზარი ყველამ მიიღო, ვისი გვარიც უკრაინულად ჟღერდა“ – განაცხადა წყარომ.