“ამ უსამშობლო სიმონიანს მინდა ვუთხრა! ჯერ არავის გაუგონია მეფე ერეკლე “накалeниe” მდგარიყო რომელიმე ქვეყნის და მათ შორის რუსეთის წინაშე. ის ისტორიული ფაქტი კი დანამდვილებით ვიცით,თუ როგორ უღალატა რუსეთიდან საქართველოში “დასახმარებლად” გამოგზავნილმა გენერალმა ტოტლებენმა ქართველებს ასპინძის ბრძოლაში და დახმარების ნაცვლად დედაქალაქის დაკავება განიზრახა.ამისათვის,სულმნათმა მეფე ერეკლემ კუდით ქვა ასროლინა! P.S. საქართველოში ადამიანი არ უნდა ისჯებოდეს ჩვენი წინაპრების შეურაცხყოფისათვის პასუხის გაცემის გამო!” | წერს მარნეულისა და ჰუჯაბის ეპისკოპოსი, გიორგი ჯამდელიანი სოციალურ ქსელში.
სამოქალაქო აქტივისტმა თორნიკე რაზმაძემ გუშინ განაცხადა, რომ მარგარიტა სიმონიანისა და ვლადიმერ სოლოვიოვის გინების გამო სასამართლოში იბარებენ. რუსი პროპაგანდისტების შეურაცხყოფის საბაბით, სამოქალაქო აქტივისტს შსს-მ საქმე აღუძრა. პუტინისტების ვიდეოს, სადაც ისინი ამბობენ, რომ ქართველები მუხლებზე დაჩოქილები შეეხვეწებიან რუსებს მფარველობას, რაზმაძემ გინებით უპასუხა. ამის გამო მას ახლა ჯარიმა, ან პატიმრობა ემუქრება.