“უკრაინული შორ მანძილზე მოქმედების ძალა ამჯერად მოსკოვის რეგიონმა იგრძნო. დარტყმა განხორციელდა ნავთობგადამამუშავებელ ქარხანაზე 500 კილომეტრის მოშორებით [უკრაინის საზღვრიდან]. მადლობას ვუხდი უსაფრთხოების სამსახურის, უპილოტო სისტემების ძალების, სპეციალური ოპერაციების ძალების, თავდაცვის სამინისტროს დაზვერვის მთავარი სამმართველოსა და სარაკეტო ჯარების მეომრებს შედეგიანი მუშაობისთვის.
რუსეთი იძულებული უნდა გახდეს, დაასრულოს ომი ჩვენი ხალხის წინააღმდეგ. უკრაინული შორ მანძილზე მოქმედი იარაღი კი ამგვარი იძულების ერთ-ერთი მნიშვნელოვანი კომპონენტია. ეს არის სამართლიანი პასუხი რუსულ დარტყმებზე და პასუხი ომის გაჭიანურებაზე, რომელიც უნდა დასრულდეს. დიდება უკრაინას!” – წერს უკრაინის პრეზიდენტი მოსკოვის მთავარი ნავთობგადამამუშავებელი ქარხნის დაბომბვაზე.
ობიექტის დაზიანება დაადასტურა მოსკოვის მერმაც. სერგეი სობიანინმა აღნიშნა ისიც, რომ რუსეთის დედაქალაქზე უპილოტო საფრენი აპარატების იერიში ბოლო 24 საათის განმავლობაში უწყვეტად გრძელდებოდა.