პირველი უკრაინული მართვადი საჰაერო ბომბი (KAB) საბრძოლო გამოყენებისთვის მზადაა, მისი შემუშავება 17 თვე გაგრძელდა – ინფორმაციას ამის შესახებ უკრაინის თავდაცვის მინისტრი, მიხაილ ფედოროვი ავრცელებს:
„ვაგრძელებთ ფრონტისთვის უკრაინული high-tech გადაწყვეტილებების განვითარებას. Brave1-ის მონაწილემ შექმნა პირველი უკრაინული მართვადი ავიაბომბი, რომელმაც უკვე გაიარა საჭირო გამოცდები და საბრძოლო გამოყენებისთვის მზად არის“ – აღნიშნა მან.
ფედოროვის ცნობითვე, მართვად ავიაბომბს აქვს უნიკალური კონსტრუქცია და შექმნილია თანამედროვე ომის რეალობის გათვალისწინებით. მან ასევე დასძინა, რომ ეს არ არის დასავლური ან საბჭოთა გადაწყვეტილებების ასლი, არამედ უკრაინელი ინჟინრების მიერ შექმნილი მართვადი საჰაერო ბომბია, რომელიც განკუთვნილია ათეულობით კილომეტრის სიღრმეში მტრის სიმაგრეების, სამეთაურო პუნქტებისა და სხვა სამიზნეების ეფექტურად გასანადგურებლად.
მინისტრის ინფორმაციით, ბომბის ქობინი 250 კგ-ია და თავდაცვის
სამინისტრომ უკვე შეიძინა პირველი ექსპერიმენტული პარტია, პილოტები კი უკვე მუშაობენ ახალი იარაღის რეალურ საომარ პირობებში გამოყენებისთვის.