ირანში სიკვდილით დასაჯეს კიდევ ორი მამაკაცი, რომლებიც სამთავრობო შენობაზე თავდასხმისთვის იყვნენ მსჯავრდებულები, – ინფორმაციას Reuters-ი ირანულ მედიაზე დაყრდნობით ავრცელებს.
ირანული მედიის ცნობით, აღნიშნულ პირებს განაჩენი ირანის სახალხო მოჯაჰედინების ორგანიზაციასთან კავშირსა და სხვადასხვა თავდასხმაში მონაწილეობისთვის, მათ შორის სამთავრობო შენობაზე ყუმბარმტყორცნის გამოყენებით თავდასხმის განხორციელებისთვის, გამოუტანეს.
ირანში გუშინ სიკვდილით დასაჯეს იმავე ოპოზიციურ ჯგუფთან დაკავშირებული კიდევ ორი მამაკაცი.