ევროკავშირის გაფართოების საკითხებში ევროკომისარმა მარტა კოსმა ევროკავშირის საგარეო საქმეთა საბჭოს შეხვედრის დაწყებამდე “ევროსკოპის” კითხვაზე პასუხისას განაცხადა, რომ ივანიშვილის რეჟიმი საკუთარი ხალხის წინააღმდეგ მოქმედებს და ქვეყანას ევროკავშირისგან აშორებს.
“მხარს ვერ დავუჭერ მთავრობას, რომელიც თავისივე ხალხის წინააღმდეგ მოქმედებს, ქვეყანა უფრო და უფრო შორდება ევროკავშირში სამომავლო პერსპექტივებს და ერთადერთი, რაც შემიძლია მთავრობის მიმართ გავაკეთო, არის იმის თქმა, რომ შეწყვიტეთ ეს უაზრობა.” – თქვა მან.
კოსმა ასევე დაამატა, რომ ევროკავშირი სამოქალაქო საზოგადოების ორგანიზაციებსა და მედიას მხარს დაუჭერს.