“რუსეთმა საქართველო საკუთარ ორბიტაზე დააბრუნა” – ამის შესახებ მოლდოვის პრეზიდენტმა, მაია სანდუმ ევროპის საბჭოს საპარლამენტო ასამბლეაში სიტყვით გამოსვლისას განაცხადა.
მაია სანდუმ სიტყვით გამოსვლისას მიმდინარე გეოპოლიტიკურ საკითხებსა და რუსეთის ჰიბრიდული ოპერაციების შესახებ ისაუბრა.
მისი თქმით, რუსეთი საქართველოს წინააღმდეგ ომით დაშინების პრაქტიკას იყენებს.
ვწუხვარ, რომ საქართველო, მიუხედავად ქართველი ხალხის გამბედაობისა, რომლებიც დემოკრატიული ღირებულებების, ევროპული მისწრაფებებისა და საკუთარი მომავლის გადაწყვეტის უფლების დაცვას კვლავ აგრძელებენ, რუსეთმა საკუთარ ორბიტაზე დააბრუნა, ომის შიშის იარაღად გამოყენებით, რითაც მიანიშნა, რომ არჩევნებზე არასწორი არჩევანი მშვიდობის ფასად დაუჯდებოდათ,” – განაცხადა მაია სანდუმ.