ქუთაისის საქალაქო სასამართლოში ჭიათურის პროტესტის მონაწილე მაღაროელების განაჩენები გამოცხადდა.
გიორგი ნეფარიძესა და მერაბ სარალიძეს 6 წლით და 3 თვით თავისუფლების აღკვეთა მიესაჯათ. მათ ბრალად ედებოდათ ჯგუფური ძალადობის ორგანიზებას და მასში მონაწილეობა.
არჩილ ჭუმბურიძე და თენგიზ გველესიანს კი 4 წელი და 3 თვე მიესაჯათ. ისინი დამნაშავედ ცნეს ორგანიზებულ ჯგუფურ ძალადობაში მონაწილეობაში.
გადაწყვეტილება მოსამართლე თამარ მაზანაშვილმა მიიღო.
2025 წლის 29 აპრილს შინაგან საქმეთა სამინისტრომ გაავრცელა განცხადება, რომ ჯანმრთელობის განზრახ ნაკლებად მძიმე დაზიანების ბრალდებით 4 პირი დააკავეს. მათი თქმით, ბრალდებულები ჭიათურის მუნიციპალიტეტში, შუქრუთის მაღაროს დირექტორს, 1982 წელს დაბადებულ თ.კ.-ს ფიზიკურად დაუპირისპირდნენ და სხეულის სხვადასხვა არეში დაზიანება მიაყენეს.