თბილისის საქალაქო სასამართლოში კოალიცია ლელო-ძლიერი საქართველოს წევრის, ალეკო ელისაშვილის პროცესი გაიმართა. დღევანდელ სხდომაზე მოსამართლე მზია გარშაულიშვილმა ელისაშვილისთვის აღკვეთის ღონისძიების სახით შეფარდებული პატიმრობა გადასინჯა და გადაწყვეტილება ძალაში დატოვა.

მან ეს გადაწყვეტილება იმით ახსნა, რომ საქმეში ახალი გარემოებები არ გამოკვეთილა. ელისაშვილის ადვოკატები ითხოვდნენ მის გათავისუფლებას თუნდაც გირაოს ან რაიმე დამატებითი შეზღუდვის დაწესების სახით.

საქმეზე მომდევნო პროცესი 9 მარტს, 14:00 საათზე გაიმართება.

2025 წლის 1-ელ დეკემბერს თბილისის საქალაქო სასამართლოს მოსამართლე ლელა მარიდაშვილმა ალეკო ელისაშვილს აღკვეთის ღონისძიების სახით პატიმრობა შეუფარდა.

ელისაშვილი 2025 წლის 29 ნოემბერს დააკავეს.