აშშ-ის პრეზიდენტის, დონალდ ტრამპის თქმით, კარაკასზე მიტანილი საჰაერო იერიშის შემდეგ, აშშ-ის სამხედრო-სამართალდამცავმა ძალებმა ვენესუელის პრეზიდენტი, ნიკოლას მადურო მის მეუღლესთან ერთად დააკავეს.
“ამერიკის შეერთებულმა შტატებმა წარმატებით მიიტანა სრულმასშტაბიანი იერიში ვენესუელასა და მის ლიდერზე, პრეზიდენტ ნიკოლას მადუროზე, რომელიც მის მეუღლესთან ერთად დავაკავეთ და ქვეყნიდან გამოვიყვანეთ.
ოპერაცია ჩატარდა ჩატარდა აშშ-ის სამართალდამცავი ძალებთან ერთად.
თვალი ადევნეთ დეტალებისთვის
[ამერიკის დროით] 11 საათზე, მარ-ა-ლაგოს რეზიდენციაში პრესკონფერენცია გაიმართება.
მადლობა ყურადღებისთვის ამ საკითხთან დაკავშირებით.
პრეზიდენტი, დონალდ ტრამპი”. – წერს ტრამპი სოციალურ ქსელ Truthsocial-ზე.
ცნობისთვის, რამდენიმე საათის წინ სოციალურ ქსელში გავრცელდა ვიდეოები, რომელთა მიხედვითაც, ამერიკის შეერთებულმა შტატებმა ვენესუელის დედაქალაქ კარაკასზე ვერტმფრენებით საჰაერო იერიშები მიიტანა.
X-ზე გავრცელებულ ვიდეოებში ჩანდა, თუ როგორ მიმდინარეობდა აშშ-ს სრულმასშტაბიანი სამხედრო ოპერაცია ვენესუელის დედაქალაქში.