ფლორიდაში აშშ-ის და უკრაინის პრეზიდენტების შეხვედრა საქმიანი, მაგრამ ომის დასრულების თვალსაზრისით უშედეგო აღმოჩნდა. უკრაინის პრეზიდენტმა მტკიცე უარი განაცხადა კრემლის მიერ წამოყენებუი ულტიმატუმის შეჩერებაზე და განაცხადა, რომ დონბასის მთელი ტერიტორიიდან ჯარის გაყვანას, ასევე ხერსონის, ზაპოროჟიეს ოლქებიდან გასვლას, დონეცკისა და ლუგანსკის დასახლებების გათავისუფლებაზე უარის თქმას არ აპირებს.
„20-პუნქტიანი სამშვიდობო გეგმა შეთანხმებულია 90%-ით, უსაფრთხოების გარანტიები კი შეთანხმებულია 100%-ით. ჩვენ ვისაუბრეთ რეფერენდუმზე, შეგვიძლია ის გეგმისთვის გამოვიყენოთ. შედეგებთან ახლოს ვართ. ეს რთული საკითხია, მაგრამ ჩვენი პოზიცია ნათელია: ჩვენ პატივი უნდა ვცეთ ჩვენს კონსტიტუციას, ჩვენს ერს და იმ ტერიტორიას, რომელსაც ვაკონტროლებთ. ტრამპმა იცის ჩვენი აზრი”, – განაცხადა ვოლოდიმირ ზელენსკიმ.
ტრამპის აზრით კი:
„ჩვენ მომდევნო რამდენიმე კვირის განმავლობაში ვისაუბრებთ, ასევე ვისაუბრებთ ხვალაც. ჩვენ მივუახლოვდით დონბასში ეკონომიკური ზონის საკითხის გადაჭრას. ჩვენ ამას გადავწყვეტთ, მაგრამ არსებობს ერთი ან ორი ძალიან რთული საკითხი.
„უკრაინელების 91% ომის დასრულების მომხრეა. რუსეთსაც სურს მისი დასრულება. ყველას სურს მისი დასრულება.“ – თქვა ტრამპმა.