ზვიად რატიანის საქმე – სააპელაციო სასამართლოში დაკავებული პოეტის პროცესი გადაიდო.

ადვოკატის, ქეთი ჩუთლაშვილის განმარტებით, სასჯელაღსრულების დაწესებულებამდე მსჯავრდებულის სასამართლოში გადაყვანის მოთხოვნა არ მისულა, რის გამოც ზვიად რატიანი პროცესზე ვერ გამოცხადდა.

მომდევნო სხდომა 27 იანვარს გაიმართება.

დღეს, თბილისის სააპელაციო სასამართლო განიხილავდა ზვიად რატიანის სისხლის სამართლის საქმეზე ბრალდებისა და დაცვის მხარის მიერ წარდგენილ სააპელაციო საჩივრებს, თუმცა სხდომა გადაიდო, ვინაიდან იყო ტექნიკური ხარვეზი. სასჯელაღსრულების დაწესებულებამდე არ იყო მისული მსჯავრდებულის გამოძახების განცხადება, შესაბამისად ამ ტექნიკური ხარვეზის გამო ვერ მოხერხდა ზვიად რატიანის მოყვანა სასამართლო სხდომაზე. ამის გამო გადაიდო პროცესი და სხდომა გაგრძელდება 27 იანვარს,” – ამბობს ადვოკატი.

შეგახსენებთ, რომ სასამართლომ პოეტ ზვიად რატიანს 2 წლით თავისუფლების აღკვეთა მიუსაჯა. კერძოდ, თბილისის საქალაქო სასამართლომ პოლიციელზე თავდასხმისთვის ბრალდებული პოეტს ბრალი სისხლის სამართლის კოდექსის 353-ე მუხლის პირველი ნაწილით [წინააღმდეგობა, მუქარა აწ ძალადობა საზოგადოებრივი წესრიგის დამცველის ან ხელისუფლების სხვა წარმომადგენლის მიმართ] გადაუკვალიფიცირა და აღნიშნული ბრალის მიხედვით ცნო დამნაშავედ.

ზვიად რატიანი პოლიციელზე თავდასხმის ბრალდებით 23 ივნისს დააკავეს.