ევროკავშირში ჯერ კიდევ მძლავრად არიან ის რეგრესული ძალები, რომლებიც ევროკავშირს ევროპის ბნელი წარსულისკენ მიაქანებენ. ეს ჩვენ გუშინ თვალნათლივ დავინახეთ, როცა პირდაპირ ჩავხედეთ იმ ცივილიზაციურ უფსკრულს, რომლისკენაც ბრიუსელის ბიუროკრატია დღეს ევროკავშირს მიაქანებს. თუკი ვინმეს აინტერესებს, როგორ გამოიყურება ევროპის ცივილიზაციური უფსკრული, ევროპარლამენტის გუშინდელ სხდომას უნდა უყუროს. გუშინ ევროპარლამენტის ტრიბუნიდან იმ ყველაფრის კომბინაცია ვიხილეთ, რაც ევროპის ბნელი წარსულიდან მომდინარეობს – ეს იყო ზიზღი, ცივილიზაციური ქედმაღლობისა და აღმატებულობის პოზა, ტყუილი, პროპაგანდა, დეზინფორმაცია.
ეს არის ყველაზე დიდი იმედგაცრუება, რაც ევროკავშირის მოქალაქეებს აქვთ ევროკავშირის ინსტიტუტების მიმართ, რომლებიც სრულად დასცილდნენ იმ დაკვეთას, რაც ევროპელი ხალხისგან მოდის და რაღაც გეოპოლიტიკური, გლობალისტური მიზნების აღმსრულებლები არიან, რომელსაც მათ არაფორმალური მმართველები ყურში უჩურჩულებენ […] ქართველები ვხედავთ, რომ ჩვენ თვალწინ, ბრიუსელი ევროპულ ცივილიზაციას ანგრევს.