სალონიკში 44 წლის ქართველი კაცი დააკავეს, რომელსაც პარტნიორის მკვლელობის მცდელობაში ედება ბრალი.
ბერძნული მედიის ცნობით, 44 წლის ქართველმა ფეხსაცმლის თასმების გამოყენებით 34 წლის უკრაინელი პარტნიორის დახრჩობა სცადა. ქალმა საბრძოლო ხელოვნებაში მიღებული თავდაცვის ცოდნის გამოყენება შეძლო და გაქცევა მოახერხა.
ადგილობრივი მედია წესს, რომ ინციდენტს 14 წლის ბავშვიც შეესწრო, რომელმაც დედის დახმარება სცადა, თუმცა, დაკავებული მასაც ფიზიკურად გაუსწორდა.
დაკავებულის წინააღმდეგ სისხლის სამართლის საქმეა აღძრული, მძიმე დანაშაულის, ოჯახში მკვლელობის მცდელობისა და ოჯახში სერიული ძალადობისთვის, რომელიც ამავდროულად, ჩადენილი იყო არასრულწლოვანის წინაშე.