14 დეკემბრის საღამოს უწყვეტი პროტესტის მონაწილეები სოლიდარობის დემონსტრაციით შეუერთდნენ უკრაინის მხარდასაჭერ გლობალურ აქციას-STOP HUMAN SAFARI / SAVE KHERSON.
კამპანია ეწინააღმდეგება რუსეთის მიერ ჩადენილ ომის დანაშაულებს და 13–14–15 დეკემბერს ერთდროულად გაიმართება მსოფლიოს 40-ზე მეტ ქალაქში.
ამასთან, აქციის მონაწილეების მოთხოვნა უცვლელია – დაინიშნოს ახალი, სამართლიანი არჩევნები და გათავისუფლდნენ აქციაზე დაკავებულები. მათ თან აქვთ საქართველოსა და ევროკავშირის დროშები და პლაკატები. ადგილზე მობილიზებული არიან სამართალდამცველები.