საბა სხვიტარიძე სინდისის პატიმარია და მისი სისხლის სამართლებრივი დევნა პოლიტიკურად მოტივირებული ანგარიშსწორების შთაბეჭდილებას ტოვებს – ამ დასკვნას აკეთებს „საერთაშორისო გამჭვირვალობა – საქართველო“, რომელიც აქტივისტის საქმეზე ვრცელ ანგარიშს აქვეყნებს.
დოკუმენტის მიხედვით, სააპელაციო სასამართლომ ძალაში დატოვა თბილისის საქალაქო სასამართლოს 2025 წლის 3 სექტემბრის განაჩენი, რომლითაც სამოქალაქო აქტივისტი და პარტია „ახალის“ წევრი საბა სხვიტარიძე ჯანმრთელობის განზრახ მსუბუქ დაზიანებაში ცნეს დამნაშავედ და ორ წლით თავისუფლების აღკვეთა შეუფარდეს. ორგანიზაციის შეფასებით, განაჩენი ეფუძნება პოლიციელთა იდენტურ ჩვენებებს, საეჭვო ვიდეოჩანაწერსა და კანონდარღვევით ჩატარებულ ამოცნობას, ხოლო სასამართლომ სრულად უგულებელყო დაცვის მხარის მტკიცებულებები.
„საერთაშორისო გამჭვირვალობის“ აზრით, ყველა ეს გარემოება ქმნის ძლიერ საფუძველს, საქმე პოლიტიკურად მოტივირებულ დევნად და სხვიტარიძე – სინდისის პატიმრად ჩაითვალოს.