მას შემდეგ, რაც ATAN-ის ქსელის ნავთობქარხნებზე და საწვავის ბაზებზე უკრაინული დრონებით რამდენიმე შეტევა განხორციელდა, რუსეთის მიერ დროებით ოკუპირებული ყირიმი საწვავის დეფიციტით გამოწვეული პრობლემების წინაშე დადგა: საცობები, რიგები ბენზინგასამართ სადგურებთან და მზარდი უკმაყოფილება. 

აღსანიშნავია, რომ ATAN რუსეთში ერთ-ერთი უმსხვილესი ბენზინგასამართი ქსელია. მის ტაბლოებზე მითითებულია, რომ მხოლოდ ერთი სახეობის ბენზინია დარჩენილი, ადრე შეთავაზებული ოთხის ნაცვლად. სიძვირის გამო, ულტრა ნიშნის ბენზინს ბევრი ვერ ასხამს და იქმნება დეფიციტი. 

შეგახსენებთ, რომ გასული კვირის ბოლოსა და ამ კვირის დასაწყისში უკრაინლებმა წარმატებით მიიტანეს იერიში სევასტოპოლში განთავსებულ atan-ის ნავთობქარხნებსა და ტერმინალებს.