ოკუპირებულ აფხაზეთში 19 ნოემბერს დაკრძალავენ ვალდეს რივერო ხუან კარლოსს, რომელიც რუსეთის მხარეს იბრძოდა და უკრაინელებმა მოკლეს. ვალდესი ე.წ. აფხაზეთის რესპუბლიკის მოქალაქე იყო, თავად აფხაზეთში კი 20 წლის წინ ჩავიდა კუბიდან, რათა თარჯიმნად ემუშავა. 

ვალდესი მართლაც მუშაობდა თარჯიმნად რამდენიმე წელს, შემდეგ კი გაგრაში მის მომავალ მეუღლეს შეხვდა, იქორწინა და გაგრაში დარჩა, მალევე ე.წ. მოქალაქეობაც მიიღო და თითქოს ოჯახური ცხოვრებაც ააწყო, მაგრამ არ მოასვენა გამჩენმა და გასული წლის ოქტომბერში უკრაინაში წავიდა საომრად. 

ხუან კარლოს ვალდესი 27 ოქტომბერს უგზო-უკვლოდ დაიკარგა, მისი ცხედარი კი 11 ნოემბერს, უკრაინულ დასახლება ძერძინკთან ახლოს იპოვეს. ამოცნობის შემდეგ გვამი გაიგზავნა ოკუპირებულ აფხაზეთში, სოფელ ბზიფში, სადაც 19 ნოემბერს დაკლრძალავენ კიდეც. 

კუბაში და ესპანეთში არსებული უძველესი ტრადიციის მიხედვით, ახალდაბადებულ ბიჭებს რამდენიმე სახელს იმიტომ არქმევენ, რომ სიკვდილი დაიბნეს და მისი წაყვანა ვერ მოახერხოს, მაგრამ როგორც ეტყობა, ვალდეს რივერო ხუან კარლოსის შემთხვევაში ამ ფორმულამ “ცელიანი კაცი” ვერ მოატყუა. 

ვალდესს ცოლი და ოთხი შვილი დარჩა…