სასამართლომ 64 წლის ფატი ბაგრატია სამართალდამრღვევად ცნო და 5-დღიანი პატიმრობა შეუფარდა. გადაწყვეტილება მოსამართლე ნინო ენუქიძემ გამოაცხადა.
პენსიონერ ქალს სახელმწიფო ბრალდება 3 ნოემბრის აქციაზე “გზის ხელოვნურად გადაკეტვას” ედავება.
ფატი ბაგრატია სხდომას არ დასწრებია. ის პროცესის მიმდინარეობისას ზესტაფონიდან თბილისში მოემგზავრებოდა.
ადვოკატის თქმით, 64 წლის ქალი იზოლატორში მყოფ შვილს წამლებს აწვდიდა.
ქალს, რომელიც ყოველდღე შვილთან ზესტაფონის იზოლატორში დადიოდა წამლების მისაწოდებლად, პატიმრობა შეუფარდეს”- ამბობს ადვოკატი.
ქალბატონი ფატი არის პენსიონერი, ასევე საჭიროებს დამატებით ყურადღებას როგორც ის, ასევე მისი შვილი ბაია, თუმცა ეს სასამართლოს მხრიდან არ იყო გათვალისწინებული, რომ პროცესის გადადება და შესაბამისი სამედიცინო დოკუმენტის დართვა მომხდარიყო საქმეში”,- ამბობს აუფლებადამცველი.
შეგახსენებთ, რომ გზის გადაკეტვის ბრალდებით დაკავებულია მისი შვილიც, რომელსაც 14-დღიან პატიმრობა განესაზღვრა.
[ფოტო: “რადიო თავისუფლება”]