პოლონეთში მომხდარ ავტოსაგზაო შემთხვევას ორი ქართველი ემიგრანტი ემსხვერპლა.
ინფორმაციას “მთავარი ამბები კახეთიდან” ავრცელებს. გამოცემის ცნობით, ერთ-ერთი მათგანი დედოფლისყაროდანაა.
გარდაცვლილის ნათესავების ინფორმაციით, ახალგაზრდა კაცი მეგობართან ერთად იმყოფებოდა, რომელიც მსუბუქ ავტომობილს მართავდა. მათი მანქანა ცენტრალურ მაგისტრალზე ტრაილერს შეეჯახა. შეჯახება იმდენად ძლიერი აღმოჩნდა, რომ ორივე მამაკაცი ადგილზე გარდაიცვალა.
მათივე თქმით, ისინი ამჟამად პოლონეთში საქართველოს საკონსულოსთან ერთად, გარდაცვლილების გადმოსვენების პროცედურების მოგვარებას ცდილობენ.