ეუთო-ს მოქმედი თავმჯდომარე ელინა ვალტონენი 13-15 ოქტომბერს აზერბაიჯანს, სომხეთსა და საქართველოს ეწვევა. ამის შესახებ ინფორმაციას ეუთო/ოდირი ავრცელებს.
განცხადების თანახმად, საქართველოში ვიზიტისას შეხვედრები იქნება ორიენტირებული როგორც ქვეყნის შიდა და გარე გამოწვევებზე, ისე ეუთოს მუდმივ მხარდაჭერაზე ჟენევის საერთაშორისო დისკუსიებისადმი.
ეუთოს მოქმედი თავმჯდომარე, ფინეთის საგარეო საქმეთა მინისტრი ელინა ვალტონენი, 13-15 ოქტომბერს ეწვევა აზერბაიჯანს, სომხეთსა და საქართველოს, სადაც მაღალი რანგის მთავრობის წარმომადგენლებთან, ასევე სამოქალაქო საზოგადოების და ანალიტიკური ცენტრების ლიდერებთან შეხვედრებს გამართავს.
მუშაობის დღის წესრიგი მოიცავს, სხვა საკითხებთან ერთად, სომხეთ-აზერბაიჯანის მშვიდობის პროცესის მიმდინარეობას, განსაკუთრებული ყურადღებით – ეუთოს მინსკის პროცესის დასრულებასა და მის დაკავშირებულ სტრუქტურებზე.საქართველოში ვიზიტისას შეხვედრები იქნება ორიენტირებული როგორც ქვეყნის შიდა და გარე გამოწვევებზე, ისე ეუთოს მუდმივ მხარდაჭერაზე ჟენევის საერთაშორისო დისკუსიებისადმი, რომლებიც 2008 წლის ომის შედეგების მოგვარებას ეხება.
ფინეთი, როგორც 2025 წლის ეუთოს თავმჯდომარე ქვეყანა, განსაკუთრებულ მნიშვნელობას ანიჭებს სამოქალაქო სივრცის დაცვასა და სამოქალაქო საზოგადოების საქმიანობისთვის ხელსაყრელი გარემოს უზრუნველყოფას. ეს პრიორიტეტი ვიზიტის განმავლობაში განსაკუთრებით გამოიკვეთება, – ნათქვამია ინფორმაციაში.