მას შემდეგ, რაც “ფორმულამ” საკუთარ წყაროზე დაყრდნობით გაავრცელა ინფორმაცია, თითქოს 4 ოქტომბრის სახალხო კრების უკან გრიგოლ ლილუაშვილი იდგა, რომელიც, საბოლოოდ, ორმაგი აგენტი აღმოჩდა, ოპოზიციური ფლანგის პოლიტიკოსები თავიანთ მოსაზრებებს გამოთქვამენ, რა შეიძლებოდა მომხდარიყო:
“მე პირველად ადვოკატმა მითხრა, ვინც იცავს 4 ოქტომბრის საორგანიზაციო კომიტეტის წევრებს, რომ მან რამდეჯერმე განმეორებით უყურა კადრებს, სადაც, აშკარად დღესავით ნათელი იყო, რომ ეს ღობეები ათონელზე წინსწრებად იყო მოყანყალებული, რაც კიდევ ერთხელ ადასტურებს იმ აზრს, რომელიც საზოგადოებაში მუსირებს, რომ ფაქტია, რაღაცა სუსის ჩარევას და ინფილტრაციას ჰქონდა ადგილი”, – ამბობს ენმ-ის თავმჯდომარე თინა ბოკუჩავა.