უკრაინის პრეზიდენტის ვოლოდიმირ ზელენსკის თქმით, აშშ-ის პრეზიდენტმა დონალდ ტრამპმა ორ კვირის წინ მოსკოვს ვადა მისცა, რომ რეალური მოლაპარაკებებისთვის მზადყოფნა დაედასტურებინა.
„ვაშინგტონში განაცხადეს, რომ ამ დროისთვის რუსეთი მზად უნდა ყოფილიყო ლიდერების დონეზე შეხვედრაზე. უკრაინა ამისთვის მზადაა, მაგრამ რუსეთი ომს აგრძელებს და ყველა სიგნალი სწორედ ამას ადასტურებს,“ – აღნიშნა ზელენსკიმ.
მისი თქმით, ვლადიმირ პუტინი, რომელიც ამ დღეებში ჩინეთში „შანხაის თანამშრომლობის ორგანიზაციის“ სამიტში მონაწილეობს, კვლავ ცდილობს პასუხისმგებლობის თავიდან არიდებას.
ზელენსკიმ ხაზგასმით აღნიშნა, რომ მსოფლიოს ლიდერები – ჩინეთიდან ინდოეთამდე, თურქეთიდან აზერბაიჯანსა და ყაზახეთამდე – ერთხმად საუბრობენ ომის დასრულების აუცილებლობაზე.
„ერთადერთი, ვისაც ომის გაგრძელება სურს, რუსეთია. ველით მტკიცე პოზიციას აშშ-სგან, ევროპისგან და „დიდი ოცეულის“ ქვეყნებიდან,“ – დასძინა მან.