აქციების დროს ნარკოდანაშაულის ბრალდებით დაკავებული 22 წლის თედო აბრამოვი მოსამართლე თამარ მჭედლიშვილმა უდანაშაულოდ ცნო.
აბრამოვი 2024 წლის 7 დეკემბერს შსს-მ საკუთარ სახლთან დააკავა. ის რუსთაველზე, საპროტესტო აქციაზე მიდიოდა.
პროკურატურის მტკიცებით, ჩხრეკისას აბრამოვს ქურთუკის ჯიბიდან 5 გრამი კლუბური ნარკოტიკი ამოუღეს. ბრალის დამტკიცების შემთხვევაში, მას 8-დან 20 წლამდე ან უვადო პატიმრობა ემუქრებოდა.
ცნობისთვის, აქამდე სასამართლომ უდანაშაულოდ ცნო ამავე ბრალდებით დაკავებული გიორგი ახობაძე.