პოეტი ზვიად რატიანი მოსამართლე ლელა კალიჩენკომ პატიმრობაში დატოვა

მოსამართლე მ არ დააკმაყოფილა დაცვის მხარის შუამდგომლობა 10 000 ლარის ოდენობით გირაოს შეფარდების თაობაზე.

სამის პროკურორმა სასამართლოში თქვა, რომ არსებობს ახალი დანაშაულის ჩადენისა და მოწმეებზე ზემოქმედების საფრთხე.

ადვოკატების განცხადებით, არ არსებობს ახალი დანაშაულის ჩადენის საფრთხე და, შესაბამისად, პატიმრობის გამოყენების საფუძველი.

მათი თქმით, პროკურატურის მოწმეები პოლიციელები არიან, მათთან კონტაქტი კი ზვიად რატიანს არ აქვს და შეუძლებელია რაიმე კავშირი ჰქონდეს.

მოსამართლის გადაწყვეტილებამდე, სიტყვის უფლებით ისარგებლა თავად რატიანმაც:

“ვეთანხმები ადვოკატებს. არა მგონია ბევრი ახსნა სჭირდებოდა რა და რატომ გავაკეთე და სათქმელს უფრო ვრცლად დასკვნითი სიტყვისთვის შემოვინახავ. ეს იყო ყველაზე უმტკივნეულო სიმბოლური საქციელი, ყველაზე განზოგადებული, რაც ყველა პოლიციელმა უნდა მიიღოს ეს თავის თავზე, ვინც ამ უსამართლობასა და ქვეყნის ღალატშია ჩართული. ბიძინა ივანიშვილით დაწყებული, ეს იყო სილა ყველასთვის”, – განაცხადა ზვიად რატიანმა სასამართლოზე.

ზვიად რატიანი 23 ივნისს პარლამენტთან მიმდინარე აქციის დროს დააკავეს – მას პოლიციელზე თავდასხმას ედავებიან. რატიანს ბრალი სისხლის სამართლის კოდექსის 353-ე პრიმა მუხლის პირველი ნაწილით წარედგინა, რაც 4-დან 7 წლამდე თავისუფლების აღკვეთას ითვალისწინებს.