თურქეთში, 6.1 მაგნიტუდის სიმძლავრის მიწისძვრის შედეგად, სულ მცირე, ერთი ადამიანი დაიღუპა.

BBC-ის ცნობით, დაღუპული 81 წლის ქალია, რომელიც ნანგრევებიდან ამოყვანის შემდეგ ცოტა ხანში გარდაიცვალა.

თურქეთის შინაგან საქმეთა მინისტრის ცნობით, სტიქიის შედეგად 16 შენობა ჩამოინგრა და 29 ადამიანი დაშავდა. მიწისძვრა გასულ ღამეს, ადგილობრივი დროით, 19:53 საათზე მოხდა და მისი ეპიცენტრი ბალისკერის პროვინციაში იყო.