სოციალურ ქსელში გავრცელდა ვიდეო, სადაც ჩანს, რომ კაცი გასაყიდად გამოტანილ ატამს ღებავს. კადრებმა საზოგადოებაში მწვავე რეაქცია გამოიწვია.
სურსათის ეროვნულმა სააგენტომ ფაქტი სურსათის მიზანმიმართულ დაბინძურებად შეაფასა და უკვე მიმართა საგამოძიებო ორგანოებს.
აღნიშნული ქმედება წარმოადგენს სურსათის მიზანმიმართულ დაბინძურებას და საჭიროებს მყისიერ რეაგირებას. სააგენტომ წერილობით აცნობა შემთხვევის შესახებ საგამოძიებო ორგანოებს, — ნათქვამია უწყების განცხადებაში.