2022 წლის სექტემბრის შემდეგ რუსეთისა და საფრანგეთის პრეზიდენტს, ვლადიმირ პუტინსა და ემანუელ მაკრონს შორის სატელეფონო საუბარი შედგა. არსებული ინფორმაციით, ლიდერებმა ახლო აღმოსავლეთში არსებულ ვითარებასა და რუსეთ-უკრაინის ომზე ისაუბრეს.
კრემლის მიხედვით, რუსეთ-უკრაინის ომზე საუბრისას, პრეზიდენტმა პუტინმა აღნიშნა, რომ კონფლიქტი გამოიწვია დასავლეთის სახელმწიფოების პოლიტიკამ, რომელიც წლების მანძილზე უგულებელყოფდა რუსეთის უსაფრთხოების ინტერესებს.
განცხადებაში წერია, რომ ლიდერებმა ომის დასრულება შესაძლებლობაზეც ისაუბრეს, ხოლო პუტინმა თქვა, რომ გრძელვადიანი და ყოვლისმომცველი შეთანხმება შესაძლებელი იქნება, როდესაც “უკრაინის კრიზისის გამომწვევი მიზეზები აღმოიფხვრება” და შეთანხმება “ახალ ტერიტორიულ რეალობებზე” იქნება დაფუძნებული.