“ნაბიჯი არის აუცილებელი იმისთვის, რომ ჩვენ სისტემას ვაჩვენოთ, რომ არ გვეშინია და ასე დამარცხდება სისტემა,” – ამის შესახებ “კოალიცია ცვლილებისთვის” ერთ-ერთა ლიდერმა, ელენე ხოშტარიამ “სტრატეგია აღმაშენებლის” ოფისში განაცხადა.

ასევე, ელენე ხოშტარიამ გიორგი ვაშაძეს და სხვა პოლიტპატიმრებს პირობა მისცა, რომ ერთიანობისთვის ყველაფერს გააკეთებენ, რათა ერთიანად დაამარცხონ სისტემა.

ზედმეტია სიტყვები სოლიდარობის იმიტომ, რომ სოლიდარობა არა, შური უფრო მაქვს შენი იმიტომ, რომ დღეს გიორგი [ვაშაძე] არის საამაყო, დღეს გიორგი არის ღირსეული და დღეს გიორგის კი არ იჭერენ, დღეს გიორგი ამარცხებს ოლიგარქიას თავისი კონკრეტული მოქმედებით, უშიშრობით, პრინციპულობით.

ნაბიჯი არის აუცილებელი იმისთვის, რომ ჩვენ სისტემას ვაჩვენოთ, რომ არ გვეშინია და ასე დამარცხდება სისტემა. ამიტომ გავერთიანდეთ და მე გიორგის მინდა პირობა დავუდო, როგორც ყველა ჩვენ სხვა პატიმარს, რომ ყველაფერს ვიზამთ ერთიანობისთვის, რომ ერთიანად დავამარცხოთ ეს სისტემა,” – განაცხადა ელენე ხოშტარიამ.

ცნობისთვის, დღეს, ოპოზიციის წარმომადგენლები “სტრატეგია აღმაშენებლის” ოფისში გიორგი ვაშაძის მხარდასაჭერად შეიკრიბნენ. სასამართლომ თეა წულუკიანის კომისიაზე გამოუცხადებლობის გამო “სტრატეგია აღმაშენებლის” ლიდერს გიორგი ვაშაძეს 7 თვით პატიმრობა მიუსაჯა. ხოლო გუშინ, იმავე მიზეზით, 8-თვიანი პატიმრობა მიესაჯათ “ძლიერი საქართველოს ლიდერებს, მამუკა ხაზარაძეს და ბადრი ჯაფარიძეს.