ამერიკულმა B-2 Spirit-ებმა ირანის სამი ბირთვული ობიექტი დაბომბეს – აშშ ომში ჩაერთო.
“ფორდოში ბირთვული ობიექტი სრულად განადგურებულია, ბომბებმა თავიანთი საქმე გააკეთეს. თუ ირანელები არ შეჩერდებიან და მშვიდობაზე არ დათანხმდებიან, ჩვენ მათ ხელახლა დავარტყამთ”, – დაწერა დონალდ ტრამპმა.
“ფოქს ნიუსის” მიხედვით, ობიექტზე ამერიკულებმა GBU-57A/B ტიპის MOP ტიპის 14 ტონიანი ბუნკერგამტანი ავიაბომბები ჩამოაგდეს, რის შემდეგაც ბომბების დეტონაციამ 90 მ. სიღრმეში არსებული მიწისქვეშა ბირთვული ობიექტი აღგავა პირისაგან მიწისა.
ასევე, ნათანზისა და ისპაჰანის ბირთვულ ობიექტებს ესროლეს 30 Tomahawk-ის რაკეტა ატომური წყალქვეშა ნავებიდან.
ამავე დროს, ირანის სახელმწიფო ტელევიზიით უკვე გამოცხადდა ირანის ხელისუფლების პოზიცია, რომ ამიერიდან ნებისმიერი ამერიკელი სამხედრო მოსამსახურე ან აშშ-ის მოქალაქე ირანის სამხედრო ძალების კანონიერი სამიზნეა.