ოკუპანტებმა ხარკოვს ორი რაკეტითა და 10 “შაჰიდით” შეუტიეს
რუსეთმა უკრაინის ქალაქ ხარკოვზე კომბინირებული იერიში მიიტანა, რის შედეგადაც მასშტაბური ხანძარი გაჩნდა, დაშავებულია ერთი ადამიანი.
ადგილობრივი ხელისუფლების ცნობით, ხანძარი ოთხ სხვადასხვა ადგილას გაჩნდა, დაიწვა სხვადასხვა საწყობები და კერძო სახლები.
ხარკოვის მერმა, იგორ ტერეხოვმა „ტელეგრამის“ არხზე დაწერა, რომ დაზუსტებული მონაცემებით, ქალაქზე დარტყმა ორი რაკეტითა და ათი „შაჰიდის“ ტიპის უპილოტო საფრენი აპარატით მიიტანეს.