თბილისის საქალაქო სასამართლოში წულუკიანის საგამოძიებო კომისიაზე გამოუცხადებლობის საქმეზე „კოალიცია ცვლილებისთვის“ ერთ-ერთი ლიდერის, ნიკა მელიას სასამართლო პროცესი მიმდინარეობს. სხდომას ესწრება ნიკა მელიაც, რომელიც გუშინ ადმინისტრაციული წესით დააკავეს, დღეს კი, იზოლატორიდან პროცესზე გადაიყვანეს.
მელიას წულუკიანის კომისიაზე გამოუცხადებლობისთვის 50 000-ლარიანი გირაო აქვს შეფარდებული, თუმცა მან გადახდაზე უარი განაცხადა, რის გამოც, პროკურატურა დღეს, სავარაუდოდ, აღკვეთის შეცვლას და დაპატიმრებას მოითხოვს.