ბათუმის საქალაქო სასამართლოში მზია ამაღლობელის საქმის არსებითი განხილვა დაიწყო – ამ წუთებში ბათუმის პოლიციის უფროსი, ირაკლი დგებუაძე შეძახილების ფონზე იკითხება.

დაკავებული ჟურნალისტის ახლობლები, ამბობენ, რომ “დგებუაძემ დაკავებულ ქალ ჟურნალისტს განყოფილებაში სახეში შეაფურთხა, შეეცადა ფიზიკურად გასწორებოდა”.

მოქალაქეები სკანდირებენ: „არ იქნება სამართალი არ იქნება მშვიდობა“, „დგებუაძე, ცრუ მოწმე ხარ“ “თავისუფლება მზია ამაღლობელს“, „თავისუფლება რეჟიმის ტყვეებს“.

მაშინ როცა პოლიციის ხელმძღვანელი იკითხებოდა, დარბაზში მყოფმა მსახიობმა მალხაზ ირემაძემ მზია ამაღლობელს მიმართა, უთხრა რომ “მაგარი გოგოა და საქართველო მასთან არის”, საბოლოოდ, მსახიობი მოსამართლე ნინო სახელაშვილმა დარბაზიდან გააძევა.

ირაკლი დგებუაძემ კი ირემაძის მისამართით გამოიყენა სიტყვა: “ჯამბაზი”.

ირაკლი დგებუაძე მზია ამაღლობელის საქმეში დაზარალებულად არის ცნობილი – ირაკლი დგებუაძემ გამოძიებას უთხრა, რომ სილის გაწვნის შემდეგ ტკივილი განიცადა.
დგებუაძე ამტკიცებს, რომ სილის გაწვნის შედეგად ტკივილი განიცადა და ყური და ლოყა გაუწითლდა.
მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. დაცვის მხარე, საერტაშორისო ორგანოზაციები და სამოქალაქო საზოგადოება, რომელიც საქმის მასალებს იცნობს, ამბობს, რომ დამოუკიდებელი გამოცემების ხელმძღვანელი პოლიტიკური მოტივით ჰყავთ გამოკეტილი ციხეში.