სტონეთმა საქართველოს დიპლომატიური და სამსახურებრივი პასპორტების მფლობელებს უვიზო მიმოსვლა შეუჩერა. ამის შესახებ განცხადება ესტონეთის საგარეო უწყების საიტზე გამოქვეყნდა.
“დღეს, 8 მაისს, ესტონეთის მთავრობამ მიიღო გადაწყვეტილება, რომლითაც საქართველოს დიპლომატიური და სამსახურებრივი პასპორტების მფლობელებს ვიზის მოთხოვნა დააკისრათ. ეს არის ევროკავშირის მიერ მიღებული გადაწყვეტილება, რომელიც თითოეულმა წევრმა სახელმწიფომ საკუთარ კანონმდებლობაში უნდა განახორციელოს.”- აღნიშნულია განცხადებაში
უწყება ესტონეთის საგარეო საქმეთა მინისტრის კომენტარსაც აქვეყნებს.
“დიპლომატიური და სამსახურებრივი პასპორტების მფლობელებისთვის ვიზის მოთხოვნის შემოღება კიდევ ერთი ნაბიჯია იმის საჩვენებლად, რომ საერთაშორისო საზოგადოება, მათ შორის ევროკავშირი, არ ეთანხმება რიგითი ადამიანების, მომიტინგეებისა და ჟურნალისტების რეპრესიებს, პოლიციის დაუსჯელობას და სამოქალაქო საზოგადოების გაჩუმებას საქართველოს მმართველი პარტიის,”ქართული ოცნების“ მიერ”, – განაცხადა საგარეო საქმეთა მინისტრმა მარგუს ცაჰკნამ.
ცაჰკნას თქმით, ევროკავშირში ასევე განიხილება ბიომეტრიული პასპორტების მქონე საქართველოს მოქალაქეებისთვის უვიზო მიმოსვლის შეზღუდვა.
ესტონეთმა საქართველოს 83 მოქალაქეს ქვეყანაში შესვლა აკრძალა.