უკრაინას და რუსეთს შორის ტყვეების მორიგი გაცვლა შედგა. მხარეებმა ტყვეები 205/205 თანაფარდობით გაცვალეს.
უკრაინელი ჯარისკაცების დაბრუნების შესახებ ვოლოდიმირ ზელენსკიმ დაწერა.
“ახალგაზრდა ბიჭები და ზრდასრული მამაკაცები თითქმის ყველა ტიპის სამხედრო დანაყოფიდან. მარიუპოლის დამცველები და მთელი ფრონტის ხაზის დამცველები. ისინი მიმოფანტული იყვნენ რუსეთის მრავალ რეგიონში, გამოკეტილები ციხეში მხოლოდ ერთი ამოცანით: ადამიანობის დაცინვა და განადგურება”, – დაწერა უკრაინის პრეზიდენტმა.